Փառասիրությամբ ու երազանքներով տարված մարդկանց բթամտությունը ցուցադրելու համար քեռիս պատմում էր նաև երկու արաբների պատմությունը, որոնցից մեկը խելացի էր, իսկ մյուսը՝ հիմար, և նրանք սար էին գնացել արջ որսալու:

-Իմ խփած արջի մորթին արդեն ծախել եմ, – ասում է հիմարը,– դու քոնը դեռ չե՞ս ծախել:

-Չէ՛, – պատասխանում է խելացին, – այդ մասին կմտածեմ, երբ արջին սպանած կլինեմ:

-Բայց ինչպե՞ս է, որ այդքան համոզված ու վստահ ես:

-Նրանից է, – ասում է մյուսը, – որ ես շատ լավ եմ կրակում, արջերի հարցում շատ խելացի եմ, համ էլ հարաբերությունների մեջ խորամանկ եմ:

Նրանք սարը բարձրացան, հետո ձորն իջան և իրար կորցրեցին: Հանկարծ հսկայական ժայռի ետևից հսկայական մի արջ հայտնվեց ուղիղ հիմար արաբի դիմաց, ով մի կողմ նետեց հրացանը, գետնին փռվեց և մեռած ձևացավ: Արջը մոտեցավ, ոտքից-գլուխ հոտոտեց արաբին, լիզեց-թքոտեց նրա դեմքը, ապա հեռացավ դանդաղաքայլ: Երբ արջը բավական հեռացել էր, հիմար արաբը տեղից վեր կացավ և մաքրեց-չորացրեց դեմքը: Այդ ժամանակ մյուս արաբը նրան մոտեցավ և հարցրեց.

Արջն ականջիդ ի՞նչ ասաց:

Հիմարը, որ արդեն ավելի քիչ էր հիմար, քան առաջ, պատասխանեց.

– Արջն ասաց,- Սրանից հետո մորթիս չվաճառես, մինչև որ ինձ չքերթես:

Առաջադրանքներ

Դո՛ւրս գրիր և բացատրի՛ր անծանոթ բառերը։

Անծանոթ բառ չկա

Դո՛ւրս գրիր գրությամբ և արտասանությամբ տարբերվող բառերը։

երազանքներով
ձեռնացավ

Տեքստից դո՛ւրս գրիր բարդածանցավոր երկու բառ։

փառասիրությամբ

բթամտություն

Գործողություն ցույց տվող բառերը դարձրո՛ւ գոյականներ։

պատմում էր – պատմություն

պատասխանում է – պատասխան

բարձրանալ- բարձրություն

հեռանալ – հեռու

Առանձնացրո՛ւ ուրիշի ուղղակի խոսք պարունակող երեք նախադասություն։


-Իմ խփած արջի մորթին արդեն ծախել եմ, – ասում է հիմարը,– դու քոնը դեռ չե՞ս ծախել:

-Չէ՛, – պատասխանում է խելացին, – այդ մասին կմտածեմ, երբ արջին սպանած կլինեմ:

-Բայց ինչպե՞ս է, որ այդքան համոզված ու վստահ ես:

Ուրիշի ուղղակի խոսք պարունակող նախադասությունը դարձրո՛ւ անուղղակի։

– Արջն ասաց,- սրանից հետո մորթիս չվաճառես, մինչև որ ինձ չքերթես:

Արջն ասաց որ սրանից հետո մորթին չվաճառի մինչև որ իրեն չքերթի:

Ընկերներին բնութագրող հատվածներն առանձնացրո՛ւ։

Մեկը խելացի էր, իսկ մյուսը՝ հիմար։

Ինչի՞ մասին է այս առակը։ Կարծիքդ գրի՛ր ։

Պետք չէ պարծենալ մի բանի համար որ դեռ չես արել։